ГОВЬ-АЛТАЙ АЙМАГ ТӨГРӨГ СУМ
ЗАРЛАЛ
Баг байгууллага, албан хаагчидын анхааралд: Мэдээ мэдээллээ сар бүрийн 10-ны дотор тогтмол өгч хэвшинэ үү. Төгрөг нутгаа хамтдаа хөгжүүлье. Төгрөг нутгийн зон олон та бүхэндээ энэ өдрийн мэнд хүргэе.
Засаг даргын мэндчилгээ

 

Улс  орныхоо хөгжил дэвшлийн төлөө оюун ухаан, бие сэтгэлээ зориулан нэр төртэй хөдөлмөрлөн нутаг усныхаа нэрийг өндөрт өргөж яваа нутгийн  уугуул, суугуул иргэддээ болон   сумын нийт иргэддээ ажлын өндөр амжилт, амьдралын сайн сайхан  бүхнийг хүсэн ерөөж мэндчилье.

Мэдээллийн технологи өндөр хурдацтай хөгжиж буй энэ эрин цагт Эрхэм та бүхэнтэй цахим интернетийн орчинд уулзаж байгаадаа баяртай байна. Ажилч хичээнгүй түмэн олныхоо чин сэтгэлийн мэндийг цахим ертөнцийн хэрэглэгч, уншигч та бүхэндээ уламжилъя.

          Есөн аравны буурал түүхийг элээсэн Төгрөг сум маань  нутийнхаа гал голомтыг сахиж буй ард иргэд, хол ойроос зорин ирсэн нутгийн уугуул иргэдийн хамтаар Төгрөг  сум үүсч хөгжсөний түүхт 90 жилийн ойгоо 2014 онд газар лус баярлуулж, хүн зоны сэтгэл тэнийтэл, хийморь золбоотой, баяр хөөртэй, дэг журамтай  төвшин сайхан тэмдэглэлээ.

2013-2015 онд бүтээн байгуулалтын ажлууд хийгдэж,  сумын төв маань өнгө төрх засч,  ард иргэд  маань дор бүрнээ эрвийх дэрвийхээрээ хөдөлмөрлөж ажил үйлс оргилсон  бүтээлч  он, жилүүд  байлаа.

Мөн 2014 – 2034 он хүртэл сум хөгжүүлэх мастер төлөвлөгөөнд сумын  алсын хараа, зорилго, зорилтоо орон нутгийн онцлогт тулгуурлан оновчтой тодорхойлсноор түүнд хүрэх арга замаа зөв сонгон сумын онцлог давуу тал болон байгалийн нөөц, баялагт тулгуурлан эдийн засаг нийгмийг хөгжүүлэх, ард иргэдийн амьдралыг сайжруулахад чиглэсэн бодлогын баримт бичгийг боловсруулан сумын ИТХ-аар  баталууллаа.

 

Бид иргэдийн оролцоог хангахын тулд нутгийн удирдлагын байгууллагуудын үйл ажиллагааны мэдээ, мэдээллийг түргэн шуурхай, хүнд сурталгүй, нээлттэй, ил тод болгон ажиллаж байна.Та бүхэнд эрүүл энх, аз жаргал, сайн сайхан бүхнийг хүсэн ерөөе.

 

Та бүхнийг гүнээ хүндэтгэсэн

 

 

 

ГОВЬ-АЛТАЙ АЙМГИЙН

ТӨГРӨГ СУМЫН ЗАСАГ ДАРГА                              Л.АЛТАНГЭРЭЛ

 

Мэдээ оруулсан: 2016-03-21 16:20:20